Labèl

Totas las versions d'aquel article :

| òc | fr |

L’Anhèl de las Bòrias dels Países d’Òc

Elevaires d’anhèls

1

dempuèi

Novembre de 2010

No 1 francés de l’anhèl Label Roge.

Fondat en 1992 per l’associacion de 3 agropaments de productors de Tarn, d’Avairon e d’Òlt, l’Anhèl de las Bòrias dels Países d’Òc es una marca certificada pel Label Roge.
Los elevaires d’anhèls an volgut far reconéisser la qualitat de lor produch tradicional, « l’anhèl abalit jos la maire ».

Per obténer lo Label Roge, l’Anhèl de las Bòrias dels Países d’Òc deu èsser abalit dins las melhoras condicions possiblas.

D’en primièr, serà alachat lo mai de temps possible amb lo lach de la seu maire, puèi, pichon a pichon, aurà una racion basada sus de cerealas çò que li permetrà d’aver una creissença subte e regulara.
Per tal d’evitar las condicions climaticas dificilas e cambiadissas, freg, pluèja o calimasses, l’anhèl espèra la seu maire dins una jaça mofla, plan ventilada e confortable, mentre aicesta se va noirir pels pasturals o pels prats de la bòria.
Las maires son de raças rusticas amb de qualitats mairalas famosas, adaptadas e seleccionadas naturalament dempuèi de sègles a las peniblas condicions pedoclimaticas de las nòstras regions.

Per obténer una carn tendre, sedosa, al sabor leugièr, los nòstres anhèls son triats pel masèl tanlèu que lor nivèl de finicion es optimum, siá a un atge entre 70 e 150 jorns, çò que garantís una qualitat constanta tota l’annada.
Tre la naissença, una bocla d’identificacion es apausada a l’aurelha de l’anhèl, çò que permet d’assegurar una traçabilitat eficaç dempuèi « la forca fins a la forqueta ».

Uèi, l’Anhèl de las Bòrias dels Países d’Òc acampa :

  • 8 agropaments de productors e 3 masèls
  • 715 elevaires sus Aquitània, Auvèrnha, Lengadòc-Rosselhon, Lemosin e Miègjorn-Pirenèus
  • 236 069 fedas per 82 692 anhèls labelizats en 2013.

La seu zòna de produccion s’espandís sus Occitània tota, dempuèi la broa Nòrd Oest del Massís Central fins als Pirenèus e d’Aquitània fins als Alps.

L’organizacion de l’associacion de l’Anhèl de las Bòrias dels Países d’Òc permet d’ofrir al consomator un produch de qualitat unible e regulara 52 setmanas per an.
Lo seu volum representa uèi quicòm coma 50% dels anhèls Label Roge de França.

Aital, l’Anhèl de las Bòrias dels Países d’Òc Label Roge participa de manièra essenciala a l’activitat economica de la region Sud ja que permet l’installacion de joves agricultors, que solidifica l’activitat d’entrepresas ruralas e qu’ajuda lo pichon comèrci local e los menestrals tot aquò en entretenent los paisatges de las nòstras campanhas.

Plan sovent, la feda es lo darrièr barri abans la bosiga e los nòstres pastres son tanben los primièrs defensors de la nòstra natura. Se degun deslarga pas las fedas pels sotabòsques per manjar l’èrba seca, se degun monta pas a la montanha per pasturar l’èrba grassa dels adreches, alara se caldrà pas estonar se d’avions cargats d’aiga aparéisson dins lo cèl estivenc de las nòstras campanhas e que de novèlas zònas d’avalancas fan crudèlament lor aparicion.

Mai de 190 maselariás menestralas e un centenat de mejans e grands magazins comercialisan l’Anhèl de las Bòrias dels Países d’Òc sus la màger part del territòri francés.
En 2010, los Trofèus Nacionals del Label Roge recompensèron doblament l’Anhèl de las Bòrias dels Países d’Òc en decernent los dos primièrs prèmis nacionals al nòstre Label. Es lo primièr còp qu’aquò capita, totas menas confondudas, qu’un sol procediment qualitat siá aital onorat, podèm doncas èsser fièrs dels nòstres productors e dels nòstres boquièrs.

agneaufermierdespaysdoc.com

http://www.agneaufermierdespaysdoc.com

Pòrtfòlio

Clicatz per espandir.

Activitat :

Contact

Bastiment Unicor
Rota d’Espaliu
BP 3220
12032 Rodés

Telefòn : 05 65 67 89 52 Mèl : agneau.paysdoc@gmail.com
Telefonèt : 06 83 79 37 43
Mèl : agneau.paysdoc@gmail.com


sostenen lo labèl

Sètz pas encara labellisat ?

Anuari papièr
SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.