Labèl

Totas las versions d'aquel article :

| òc | fr |
Acuèlh del sit > Blòg > Lengadòc, campion del vin bio

Lengadòc, campion del vin bio

La novèla region Lengadòc-Rosselhon-Miègjorn-Pirenèus es actualament la melhora en produccion, en promotion e en qualitat de vins biologics de França, e mai del mond ! Qualques observacions sus aquela remarcabla capitada comerciala, mas tanben sanitària, al còr d’Occitania.

Amb 245 663 ectaras cultivats, lo mercat bio d’aquela bela region es estimada a 570 milions d’euros. Uèi, i a 9% dels volums plantats, siá mai de 20 000 ectaras qu’aumenta de longa, especialament amb los 4 500 ectaras en fasa de conversion. Se lo climat mediterranèu es mai adaptat a la culture bio que dins los autres vinhièrs, i a subretot una reala sensibilisacion a aquesta agricultura respectuosa dels òmes e de lor environament. Pr’aquò, aquela es puslèu constrenhenta amb sos procediments plan estrictes e sos contròls de certificacion sens oblidar los autres labèls de desvolopament duradís e de l’agricultura rasonada, plan presents dins la region). De mai, l’abséncia de tractament demanda un excellent mestritge tecnic de la viticultura. Mas lo bio permet sobre tot de produsir san e de se desmarcar de la standadisacion dels gostes. Permet tanben d’obrar sus la natura per favoriser lo reboscatge o la pollinizacion, e las vinhas bios conservan de sòls vius e produsson de rasims mai gròs, a la pèl mai espés que resista mai als marranas. D’unes en fan una vertadièra filosofia, particularament amb lo fonccionament biologic dels sòls e dels vegetals e amb la recerca de l’amelioracion de la qualitat dels pruduches. Un grop de vinhairons audencs, al cap d’un domeni de mai de 500 ectaras, s’engatjan atal a produsir bio a 85% d’aicí 2025. Lo « Millesim bio » de Monpelhièr (obèrt los 25, 26 e 27 de genièr de 2016) es dempuèi 1993 lo salon mondial del vin biologic, e amassa mai de 900 viticultors de França. Aqueles amontairan pertot los recompensas, perque mais non solament la filièra bio s’es professionalisada, mas es la categoria que progressa lo mai. Es en mai una tinada d’un productor bio de Frontonh, prèp de Tolosa, qu’es foguèt sacrada melhor vin roge del mond l’an passat per lo « Decanter World Wine Awards », referéncia mondiala dins lo domeni vinicòla !

Se la cultura bio a uèi despassada l’estadi de la mòda, sa produccion e sa consomacion son en constanta augmentacion, atal coma sa qualitat coma lo constata los cavistas. Perque de mai en mai de consomators son concernits per las questions environamentalas, tant en França qu’a l’estrangièr. Los viticultors bios de Lengadoc ganhan lor escomesa e illustran una novèla devisa occitana : « produssèm e consumam sans ».

Per mai d’informacions, clicatz aicí.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.