Labèl

Totas las versions d'aquel article :

| òc | fr |
Acuèlh del sit > Blòg > Mercats publics per productors locals

Mercats publics per productors locals

Lo sector agricòla coneis un desaire dempuèi las darrièras desòrdres climaticas, las novèlas intransigéncias de la grande distribucion e la mutiplicitat de la concurréncia internacionala. Entre los mai copadís, los pechons productors pòdon pr’aquò espandir lors vendas al près dels crompaires publics, especialament dins un part de l’Occitania.

Forçats per los eveniments, los servicis publics de Tarn e Garona an creats una plataforma d’apròchament entre productors locals e crompaires publics qu’an una mission de restauracion collectiva (establiments escolars, espitals, ostals de retirada...). Aquel mercat suplementari da de marges mai importantas per lo còst pauquet de las despensas de transpòrt. La filièra carn es plan comercialisada amb "Carn occitana" e la filièra fruchs e ortalissas vòl far tot parièr. Lo Conselh Departamental de Puèi de Doma creèt en 2012 la plataforma "Agrilocal", activa dins 23 departaments, que 12 d’Occitania. Simple d’accès, direct e agratis, aquel portal virtual de mesa en contacte acuèlh tots los fornidors que lo desiran e recampa las importantas quantitats volgudas per los crompaires publics. Aquela causida complementària toca fins a 40% de la carn e 15% dels fruchs e ortalissas de Puèi de Doma ! Coma los cosommators vòlon manjar de produches locals, de sason e de qualitat, aquel esplech es de mai ganhant-ganhant per sos bons prètz de crompa sus toda la cadena de produccion.

Lo desvolopament local es pas mai qu’una question d’organisacion entre particulars o de promocion de pechons productors, perque las collectivitas locales an tanben la responsabilitat d’assolidar una economia regionala duradissa e una educacion als gosts.

Per mai d’informacions, clicatz aicí.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.