Labèl

Totas las versions d'aquel article :

| òc | fr |
Acuèlh del sit > Blòg > L’expansion progessiva de l’occitan a l’escòla publica

L’expansion progessiva de l’occitan a l’escòla publica

L’ensenhament bilingüe, especialament francès-occitan, es reconegut dempuèi 1982 per l’educacion nacionala coma un esplech de "desvolopament dels capacitats intellectualas, lingüisticas e culturalas dels escolans". Es de mai confirmat que lo bilingüisme estimula las coneissenças de l’enfant, perque favoriza tre l’enfantesa l’aprentisatge de las lengas, mas tanben de las matematicas e de la musica. Tot parièr, lo bilingüisme activa la curiositat, afortís la fisança en se e melhora la compreneson environamentala de l’escolan.

A l’escòla publica mairala e elementària, aquel ensenhament es dich "a paritat orària", siàs 12 oras jornalièras en occitan e 12 oras en francès ont las activitas del programa son repartidas entre las doas lengas. Encara que los parents an totjorn la causida entre lo cursus bilingüe e lo cursus francès de l’escòla, aquel tipe d’aprentisatge est força demandat, del moment que lo nombre d’escòlas bilingües de Miegjorn Pirenèus es passat de 40 en 2010 a 75 en 2015. Es vertat que, segon la primièra evaluacion de las competencias fach en 1993-94 a la demanda del rectorat de Tolosa, los escolans que fan de l’occitan an en mejana de melhors resultats dins totas las espròvas passadas en francès e en occitan que los que fan pas jamai d’occitan.

Pr’aquò, l’objectiu que tots los escolans de l’academia poirián descobrir la lenga e la cultura occitanas dins lors cursus escolar d’aicí de 2015 a estat pas mai tengut, perque forças pòsts d’ensenhaires son pas aprovedits. L’exemple de las lengas de França mai engatjadas dins lo procediment d’escolarizacion, coma lo basc, lo berton o lo còrse, mostra lo camin : es per lo desvolopament de l’ensenhament bilingüe, que siás a paritat orària (ensenhament public) o per immersion (ensenhament associatiu Calandreta), que l’escòla capita a crear de novèls locutors. Lor mestratge lingüistica lor dobrirà alara de novèls mercats del trabalh, especialament en Occitania.

Per mai d’informacions, clicatz aicí.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.