Labèl

Totas las versions d'aquel article :

| òc | fr |
Acuèlh del sit > Blòg > Fèsta del vin novèl al Castèl de Brames

Fèsta del vin novèl al Castèl de Brames

Lo dimenge 22 de novembre de 2015 a Peiròla de Tarn, lo domeni viticòla Castèl de Brames organisa sas pòrtas badas per nos far tastar sas tinadas Galhac novèl de 2015, blanc e rog, e tots sos autres vins. Sera possible tanben de tastar per la primièra còp la Tinada de las Originas de 2014.

Al programa de la jornada, per acompanhar los degustacions :
- a comptar de onze oras : castanhas e autres intradas,
- onze e mièja : aperitiu concèrt amb los Escampilhats, grop de musica tradicionala occitana,
- tretze oras : aligot salsissas, puèi dessèrt e cafè,
- quinze e mièja : espectacle dins lo celièr amb lo duò umoristic Bric e Bròc.

Produsant un vin força armoniós segon una agricultura rasonada, lo Castèl de Brames a atal dos vins seleccionats per lo guida Hachette de 2016 : la Tinada de las Originas de 2013 e la Serena Luènh de l’Uèlh de 2014. La cava se pòt visitar tot l’an.

Per remembre, la bòrda se situa a Brames-Aigues 81310 Peiròla.
Per aver mai d’entresenhas vos cal contactar Estèla Loddo al 06 17 62 68 82 o sus estela@castel-de-brames.com, Alan Boullenger al 06 08 42 39 08 o sus alain@castel-de-brames.com, o encara Castel de Brames al 05 63 57 25 80, o a la longa clicatz aicí.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.