Labèl

Totas las versions d'aquel article :

| òc | fr |
Acuèlh del sit > Blòg > Animacions en occitan a la SISQA 2014 - Comunicat de premsa

Animacions en occitan a la SISQA 2014 - Comunicat de premsa


















La qualitat viu tanben en occitan pendent la SISQA 2014 !

Per la cinquena annada de seguida, d’animacions en occitan seràn organizadas pendent los quatre jorns del salon dedicat als produches regionals de qualitat, lo Salon Internacional de la Securitat e de la Qualitat Alimentària, pargue de las exposicions de Tolosa, del 11 al 14 de decembre de 2014.

Conscient que l’usatge de la lenga occitana es un atots dins tot procediment de valoracion del saber-far tradicional coma d’ancoratge territorial, dels professionals e de las filièras s’engatjan per demostrar que la lenga occitana es un motor del desvolopament economic.

Ongan, un còp de mai, la còla del labèl « Òc per l’occitan » organiza ambe l’Irqualim la promocion de l’usatge de la lenga occitana dins los mitans economics e pròche de la populacion de Miègjorn-Pirenèus pendent lo salon.

Cada jorn, una o mai d’una animacions son organizadas, en francés e en occitan a l’encòp, e prepausadas als visitaires com als professionals pendent los diferents talhièrs. Aquesta annada, una noveltat ambe la difusion pendent las tastas de vin e d’aigardent, d’un libret bilingue, aisit a daissar dins la seuna pòcha.

Enfin, los espacis oficials dedicats a la restauracion, lo Restaurant Biò e lo Mercat cobèrt, vos prepausaràn cada jorn un menut bilingüe.

Lo programa previsional es adobat regularament sul siti bilingue occitan/francés del labèl www.occitan-oc.org, rubrica blòg.

Per seguir mai asidament la SISQA en occitan, pensatz a seguir @ocperloccitan (ambe twitter) e la "fan page" deOc Per l’Occitan (FB)


Trobaretz lo programa de las animacions dins lo Portfolio d’aquel article.

P.S.

* Un partenariat entre l’Institut d’Estudis Occitans (IEO) e l’Ofici per l’occitan, sostengut per la Region Miègjorn-Pirenèus pel SISQA.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.