Labèl

Totas las versions d'aquel article :

| òc | fr |
Acuèlh del sit > Blòg > Estivada 2014 - Bilanç

Estivada 2014 - Bilanç

Aquela 21ena edicion de l’Estivada foguèt plan mai capitada que la de l’an passat, que per rampèl foguèt acorchida pel marrit temps. Aquest an, mentre la calor, lo temps a permetut a l’Estivada de se debanar los quatre jorns prevists.

Lo labèl "Òc per l’occitan" èra present sus l’estand de l’IEO sul Plan dels Rutènas, la nòva polida plaça de Rodès que se situa a costat del Musèu Soulages. Es tanben l’endreit ont se debanavan los concerts, i aviá doncas de passatge tota la jornada çò que nos a permetut d’encontrar plan de monde, d’escambiar e a còps de far descubrir çò qu’èra l’occitan, e de difusir las entresenhas que los labelizats "Òc per l’occitan" nos avián mandat.

Avèm tanben recebut l’annuari novèl per 2014, foguèt plan difusit dins l’encastre de l’Estivada mas tanben, plan de monde ne prenguèt per ne distribuir en çò d’eles.

Ambe l’ajuda dels labelizats partenaris de la caça als tresaurs d’Occitània, e a la seguida d’un test, un desenat d’aventurièrs nòus son partits sul camin del tresaur dels occitans ambe los 6 primièrs indicis de la caça.
Avèm tanben agut la vesita d’aventurièrs que son ja sus la pista del tresaur e que son venguts cercar un indici exclusiu disponible unicament pendent l’Estivada.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.