Labèl

Totas las versions d'aquel article :

| òc | fr |
Acuèlh del sit > Blòg > La Chancada, una caminada occitana

La Chancada, una caminada occitana

Fa ja una setmana que los chancaires de la "Chancada" son partits d’Anglet per anar fins a Bordèus e aquò en dètz jorns de caminada.

De qu’es un chancaire? Los chancaires es una associacion que trabalha dempuèi mai de 60 ans per la "transmission de la cultura locala".
Mas un chancaire, es tanben una persona que camina en chancas, es a dire en escassas o, en francés, se volètz, "en échasses".

Aquela chancada es organizada per descubrir e far descubrir lo territòri de la Gasconha Occitana.
Aquò se pòt far de mai d’un biais, podètz anar encontrar los chancaires pendent lor caminada (picatz sus la mapa a man dreita per veire lor camin) per los junher en bicicleta per exemple, seguir lo debanament de la virada sus lor site internet (picatz aquí) e veire las fòtos, o s’avètz pas léser dins la jornada mas que volètz mai que mai encontrar aquels amics, de seradas-etapas son organizadas al fial de la caminada.
Aquesta setmana, doas seradas son organizadas, e a cada còp d’unes labelizats "Òc per l’occitan" son implicats !
Aqueste dimècres (lo 27 d’agost), es a Vilanava d’Ornon que l’AREA e l’Ostau Occitan en partenariat ambe la calandreta de la Dauna de Peçac organizaràn la primièra serada de la setmana. Al programa, danças, aperitiu e concèrt ambe lo trio "Monacas" e ambe lo duò Joan Francés Tisnèr - Jakes Aymonino (veire aquí per descubrir Lo Nau).
L’endeman, direccion Bordèu, en çò del Pépère per una serada de barradura rica en cants, en danças e en manjar. Serà tanben l’escasença pels chancaires de mercejar los contributors Ulule (picatz aquí, la collècta es pas encara acabada !)

Doblidatz pas, per seguir la caminada de la còla, picatz aquí !, e en mai d’aquò lor site es a mitat-mitat en occitan !

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.