Labèl

Totas las versions d'aquel article :

| òc | fr |
Acuèlh del sit > Blòg > De supermercats E.Leclerc se bòtan a l’occitan

De supermercats E.Leclerc se bòtan a l’occitan

Lo dimècres 25 de junh, es al centre E.Leclerc de Trelhissac (Dordonha) que la còla "Òc per l’occitan" a oficializat la labelizacion de 3 centres comercials E.Leclerc a Perigüers e del sèu ròdol.
Un conferéncia de premsa foguèt organizada per festejar l’eveniment, la signatura de las convencions e la remèsa dels certificats.

Eran presents, a costat dels jornalistas de Sud-Ouest e de Dordogne Libre, M. Fabrice Faure, president dels supermercats E.Leclerc de Perigüers e de Trelhissac, una representanta del supermercat E.Leclerc de Rabairac, Laurenç Gòsset e Audrey Veaute pel labèl "Òc per l’occitan", Joan-Lois Leveque e Felip Cristòfe per Novelum-IEO24 e Michel Théodoridès, president del "Festenau, Occitània en fèsta".

Aquel procediment, que concretiza los nombroses contactes qu’existisson ja entre l’ensenha e las associacions culturalas a Perigüers e dins lo departament, es tanben lo produch de la volontat del president Fabrici Faure de far partejar sas rasigas perigordinas a la populacion locala.
Los 3 supermercats se son engajats dins una labelizacion de nivèl 1, mas ja mantunas accions foguèron menadas, que siá en intèrne (a direccion dels salariats) mas tanben per la practica (100 000 prospectus per anonciar la setmana de las "Alliances locales").

Trobaretz dins lo portfolio lo comunicat de premsa, d’articles de premsa e d’imatges de l’encontre.


*Lo labèl "Òc per l’occitan es una iniciativa junta entre l’Institut d’Estudis Occitans e l’Ofici per l’occitan.

Pòrtfòlio

Clicatz per espandir.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.