Labèl

Totas las versions d'aquel article :

| òc | fr |
Acuèlh del sit > Blòg > Lo cachat o Moretum

Lo cachat o Moretum

L’animacion culinària del divendres de ser de la SISQA èra animada per Mirelha Braç e foguèt facha en occitan.
Aviam previst de difusir la recèpta sus plaça mas fin finala foguèt pas estampada. La vos balham aquí :


« Tòstas d’aperitiu ricas de sabors e originalas : lo Cachat (o Moretum) »

Mirelha Braç, de l’Institut d’Estudis Occitans

Recepta

Lo Cachat o Moretum Aquí, sèm a Roma, dins la cosina d’Apicius ! Un saut dins l’espaci e lo temps.
Per 4 personas

  • 300 g de formatge fresc de craba o de feda
  • 2 punhats d’anogas descloscadas
  • 2 grans d’alh
  • 1 desenat de fuèlhas de roqueta o de creisselon
  • Òli d’oliva
  • vinagre de vin
  • Sal, pebre
  • Mèl

Far un pauc tostar a la padena las anogas
Metre lo formatge dins un ensaladièr e lo lisar.
Ajustar las fruchas secas e l’alh trissats, un culhieron de vinagre, un culhièr d’òli, 2 o 3 pecics de pebre, de sal e plan barrejar.
Copar fin-fin las èrbas e las incorporar.
Ajustar un pauc de mèl.
Gardar 2 oras al refregidor.
Servir sus de bon pan.

Pòrtfòlio

Clicatz per espandir.

Respondre a aquel article

SPIP |  | Plan del sit | Mencions legalas | Seguir la vida del sit RSS 2.0
Lo labèl es un servici de l'IEO e de l'Ofici per l'Occitan, visatz los autres sites quí dessur per d'autres servicis.